Giayudahan sa City Disaster Risk Reduction & Management Department (CDRRMD) ang gibana-bana kapin gatus ka mga pasahero nga nastranded sa pantalan sa Barangay Macabalan, ning syudad, karong gabie.
Tungod sa paghunong sa biyahe sa dagat epekto sa pagkuso-kuso sa Bagyong Tino, ang lokal nga kagamhanan sa Dakbayan sa Cagayan de Oro pinaagi sa City Social Welfare & Development (CSWD) ug sa pakigtambayayong sa City Disaster Risk Reduction & Management Department (CDRRMD) mipahigayon sa pagtabang sa mga pasahero nga na-stranded sa pantalan sa dakbayan.
Gipang-apod-apod nila ang pagkaon samtang nagpaabot sa pagbalik sa biyahe.
Padayon ang koordinasyon sa mga ahensya aron masiguro ang kahimtang sa mga pasahero hangtod ma-normal ang biyahe.
