Lima nalang ka adlaw, DUGONG BOMBO NA!
Mipadayag sa ilang tibuok-suportangang Iglesia Filipina Independiente (IFI) Diocese of Cagayan de Oro sa panawagan sa Bombo Radyo alang sa umaabot nga Dugong Bombo Bloodletting Drive karong Sabado, Nobyembre 15, sa Pilgrim Christian College.
Gibutyag ni Bishop Felixberto Calang, nga ang pagdonar sa dugo, usa ka dakong buluhato nga naghatag sa paglaum ug kaayuhan sa kinabuhi sa katawhan.
Iyang gipaambit sa BOMBO RADYO nga siya nagpatawag sa miting sa ilang kaparian sa simbahan aron andamon ang ilang mga parokya sa pag-apil sa maong panawagan.
Una niini, miingon si Bishop Calang nga kada tuig sila gasalmot sa nationwide bloodletting activity sa Bombo Radyo Philippines Network.
Ang Dugong Bombo A little Pain a Life to gain, sugdan sa alas 6 sa buntag padulong sa alas 6 sa hapon.
Ang mga succesful blood donors makadawat sa specially marked Dugong Bombo T-SHIRT, Phippine Red Cross Card, Dugong Bombo Certificate, refreshments, free blood typing, snacks ug daghan pang uban.
