Gikonsiderar sa ekonomista ug political expert nga si Atty Proculo Sarmen nga makabungog ang bag-ong testimonya ni resigned partylist congressman Zaldy Co, tungod kay tataw nga nalambigit ang First Family sa naglabay nga krisis sa kamahal sa presyo sa asukar, sibuyas ug bugas. Alang sa abogado, kung tinood man ang gibutyag ni Co, daghan ang mukundinar sa pamilya sa presidente nga nagmugna sa artipisyal nga pagmahal sa presyo aron sila ang magsilbing salbador-del-mundo sa naglisud nga katawhan sa sa Pilipinas. Alang kaniya, daghan usab siya mga pangutana niadtong wala nahuman nga mga hearing kundiin mismo ang presidential sister ang mi-awhag sa presidente nga panangtangon ug ipagula sa publiko ang mga tawong nagpaluyo sa posibleng kartel o pagkontrolar sa presyo sa sibuyas, asukar ug bugas sa naglabay tolo ka tuig.
Una niini, gi-awhag ni Sarmen ang nga magbabalaod nga ipalig-on ang imahe sa Pilipinas sa global market ilabe nga dakung sagpa sa ekonomiya ang pagtumaw sa lapad nga isyu sa kurapsyon sa ahensya, ilabe na sa DPWH. Wala pay labot niini ang posibleng desisyon ni Marcos nga mubiya nalang sa iyang puwesto kung mangusog na ang katawhan nga siya langkaton na sa puwesto
