Andam makigdayalogo ang kapitolyo probinsya sa Media Groups nga gusto mangayo’g katin-awan sa kontrobersyal nga linya ni Misamis Oriental Juliette Uy nga mga bayas sa pagreport sa kalihukan sa probinsya.
Gibutyag ni Celso Abucejo, special assistant ni Governor Juliette Uy, nga walay “generalization” nga gihimo ang gobernador sa iyang pahayag sa milabay’ng flag raising ceremony, apan, iyang giklaro nga adunay mga mediamen nga gabayaran aron siya atakehon.
Una niini, gitin-aw ni Abucejo nga dili “onion skinned” o sensitibo sa pagsaway sa media ang gobernadora kay sayud siya nga kaluha kini sa iyang gidawat nga posisyon isip public figure.
Gisaad ni Abucejo nga ipublikar ra nila pohon, ang ngalan niining media practioner nga walay pahutak pagbirada batok gobernador
