Mitaas ang “seismic energy release” sa bulkang Mayon, samtang miubos ang natala nga uson ug rockfall events. Sumala kay PHIVOLCS Volcano Monitoring and Eruption Prediction Division Chief Mariton Bornas nga mahitungod kini sa natala nga “background tremor” diin nagpasabot nga adunay “intrusion” sulod sa bulkan. Sa karon, nagpabilin sa alert level 3 ang Mayon diin wala pa silay na-monitor bahin sa mga gibantayan nila nga parameters, sama sa sulfur dioxide flux ug ground deformation nga maoy senyales aron ipasaka sa alert level 4. Gipasidaan usab ni Bornas ang mga residente nga dili mosulod sa 6 KM radius permanent danger zone alang sa hulga sa “Pyroclastic density currents” (Uson), lava flows, rock falls, mga volcanic hazards, ug posibilidad nga pagbuto sa bulkan. (Phillip Ariata)
