Giatubang ni Senador Joel Villanueva ang tulo ka kaso sa malversation sa Department of Justice tungod sa giingong anomaliya sa flood control projects sa Bulacan. Nangayo kini og extension aron makapagsumite sa iyang counter-affidavit sa usa sa mga kaso, ug giuyonan kini sa prosekusyon. Gihatagan siya og bag-ong deadline sa DOJ, nga mao ang Enero 26, 2026, aron isumite ang iyang tubag. Nakapagsumite na siya sa counter-affidavit sa usa sa tulo ka kaso niadtong Enero 5, 2026. Padayon ang preliminary investigation sa DOJ, ug wala pa’y pormal nga desisyon o pagdungog nga nahitabo. (Jane Abulag)
