Gipasa sa depensa nikanhi senador Ramon “Bong” Revilla Jr., ang mosyon nga nag mando sa subling pag-imbestigar sa giingong paglapas sa due process sa kaso nga malversation nga gisang-at batok kaniya.
Ang iyang abogado nga si Atty. Isaiah Asuncion miangkon sa pagsumite sa mosyon apan wala na misulti sa detalyekay gidid-an sa korte nga hisgutan ang merito sa kaso.
Ang kaso ni Revilla nagsumikad sa giingong ₱92.8-milyon nga ghost flood control project sa Pandi, Bulacan, hinungdan nga gisang-at sa Office of the Ombudsman ang kaso sa graft.
Napaslak sa prisohan si Revilla human nagboluntaryo kini sa pagtahan dihang namatikdan nga pagawasan siya’g arrest order sa korte.
Hisayran nga non-bailable nga kaso ang malversation of public funds.
Ang kanhi senador nadetenir sa Quezon City Jail Male Dormitory sa Payatas.
