Upat ka sundalo ang namatay sa usa ka ambush nga nahitabo sa Purok 1, Barangay Liningding, Munai, Lanao del Norte, adlaw’ng Biyernes Enero 23, 2026.
Usa pa ka sundalo ang samaran ug karon ginatambalan na.
Ang mga nakabsan mao sila:
SSg. Diosito A. Araya (Inf) PA,
Sgt. Gilbert P. Arnoza (MI) PA,
Sgt. Junel M. Calgas (SC) PA, ug
Pvt. Laniton (44IB).
Samtang ang samaran mao si Cpl. Rollen L. Dela Cruz (Inf) PA, ug stable na ang kahimtangan sumala sa mga otoridad.
Sa inisyal nga imbestigasyon, gituohang mga sakop sa Maute Group ang nagpatuman sa maong ambush. Sakay sa usa ka Toyota Avanza ang mga sundalo sa dihang kalit silang gipusilan sa wala mailhing mga armado, nga misangpot sa pagkamatay sa upat ug pagkasamdan sa usa.
Sa karon, padayon ang hot pursuit operation sa mga awtoridad batok sa mga suspek.
Gipalig-on usab ang seguridad sa maong lugar aron mapugngan ang pagsubli sa susamang insidente.
Mitabang na ang mga kapulisan sa Police Regional Office-10 sa pursuit operation ug sa imbestigasyon.
