Namahayag si Geopolitical Relations Analyst Prof. Lucanus Azrael Igot nga mahimo’ng pagtulun-an sa mga Pilipino ang nabutyag nga isyu sa kurapsyon alang sa pagpili sa kandidato nga ilahang botaran sa sunod nga election.
Gilauman ni Prof. Igot nga ma-“pinpoint” sa gobyerno kung asa o kay kinsa nagsugod kining kurapsiyon ug manubag ang mga tao nga anaa sa likod niini, aron usab nga mabalik ang pagsalig sa katawhan sa kagamhanan.
Dugang ni Igot nga aduna pa’y lain-laing mga “sides” sa istorya nga kinahanglan nato’ng mahibal-an aron nga maklaro nato kon kinsa ba gayud ang dapat manubag, busa gihangyo niya ang katawhan nga magpabili’ng “vigilant” sa mga impormasyon nga makita.
Mahinumdumang base sa mga migawas nga survey, hinay-hinay nga miubos ang “trust-rating” sa kasamtangan nga administrasyon.(Phillip Ariata)
