Gitagna sa Kapitolyo Probinsyal sa Misamis Oriental nga mahuyang ang paghatag sa serbisyo ug programa sa probinsya karong tuiga, human sa pagkabawas sa ₱1.2 bilyon sa proposed budget ni Governor Juliette Uy.
Sumala ni Special Assistant to the Governor Celso Abucejo, tungod kay dili pwede ang usa ka regular nga empleyado nga mag-multiple tasking, posible nga maapektuhan ang hinanali ug epektibong paghatag sa serbisyo sa katawhan sa Misamis Oriental, ilabina tungod sa kakulangon sa mga empleyado nga nabilin.
Gipunting usab ni Abucejo nga mawad-an og pondo ang mga serbisyo ug programa sa probinsya, kay dakong bahin sa badyet nga para unta sa operasyon niini ang nakibhang.
Dugang pa niya, kung dili na mausab ang gi-aprobahang pondo alang sa tuig 2026, maglisod matod pa ang gobyerno sa Misamis Oriental sa pag-implementar sa ilang mga serbisyo ug programa.
Bisan pa niini, pasalig ni Governor Juliette Uy nga maningkamot gihapon ang probinsyal nga gobyerno aron mapadayon ug mapaabot sa katawhan ang ilang mga serbisyo
