Mipahigayon ang Police Regional Office 10 (PRO-10) sa usa ka seremonya isip pag-dumdum sa “Day of remembrance” sa SAF-44 karong adlawa.
Miingon si Police Regional Office 10 Spokesperson Police Major Joann Navarro nga aduna silay pagabuhaton nga aktibidad diin gi-imbitar usab nila ang Special Action Force nga naka-destino sa Iligan, nga maoy mo-representar sa maong event.
Ang seremonya nahitabo sa “Heroes Wall” sa Campo Alagar nga paga-tambungan sa mga personahe sa Police Regional Office 10, sa pangulo ni Regional Director Police Brigadier General Christopher Abrahano.
Mahinumdumang nahitabo ang “Mamasapano clash” ngadto sa Tuknalipao, Mamasapano Maguindanao niadtong Enero 25, tuig-2015 diin 44-ka mga miyembro sa SAF-44 ang namatay; 2-gumikan sa Iligan ug 1-gikan sa Lanao del Norte.
