Magtinabangay! Kini ang panawagan sa Archdiocese of Cagayan de Oro sa katawhan nga magtinabangay sa paglimpyo ug pagsugpo sa nagatambak nga basura sa tanang dapit.
Si Donna Echalico, Integral Ecology Coordinator, nagpasabot nga ang pagmatngon ug pagsugod sa kaugalingong panimalay makatabang bisan lisod ang hingpit nga zero waste.
Iyang giingon nga kung ang mga ginikanan magtudlo sa mga anak sa kahinungdanon sa kalimpyo, mas sayo nila masabtan ang kadaot sa kawalay pakabana sa basura.
Dugang pa, ang dili husto nga pagdumala sa basura nagpalala sa pagbaha ilabi na sa panahon sa bagyo.
