Gipahimangnoan sa opisina ni City Mayor Rolando Klarex Uy ang publiko ug mga opisyales sa kaimportante sa pagpagula lamang og tinood ug may basihanan nga mga impormasyon.
Namahayag si Janboy Actub, tigpamaba ni Mayor Klarex Uy, nga naghinaot ang mayor nga ang mga opisyales sa lokal nga kagamhanan, lakip na ang mga indibidwal nga adunay importanteng katungdanan sa katilingban, mahimong responsable sa mga impormasyong ilang ipagawas sa publiko, ilabi na kay dako ang ilang impluwensiya sa pagsalig ug pagtuo sa katawhan.
Naghinaot usab ang opisina sa mayor nga dili na mausab ang pagkakatag sa mga isyung walay basihan, sama sa giingong mga kaso sa leptospirosis sa Cogon Public Market sa syudad, nga nakaresulta og kahadlok ug negatibong epekto sa mga mamalitay ug mga vendor sa maong merkado. (James Oliver)
