Gisupak sa Northern Mindanao Federation of Transport Service Cooperative o NOMFEDTRASCO ang plano sa syudad nga partial implementation lamang sa Local Public Transport Route Plan o LPTRP.
Namahayag si Luzminda Escobidal, representante sa NOMFEDTRASCO, nga dili sila muuyon sa proposal sa city government nga per route lamang ang pag-implementar sa bag-ong ruta alang sa modernized ug traditional jeepneys, tungod kay dili kini epektibo base sa kasinatian ug kasayuran sa kooperatiba.
Butyag ni Escobidal, tungod kay dili kayang maimplementar sa syudad ang tanang 78 ka routa sa usa ka higayon, ug aron malikayan ang posibleng backlash sa mga driver ug operator, miuyon na lamang ang kooperatiba nga himoon ang implementasyon pinaagi sa common corridor o pinatabang nga mga area aron malikayan ang kalibog ug kagubot sa pagpatuman.
Naghatag usab og rekomendasyon ang kooperatiba nga sulod sa usa hangtod duha ka semana kinahanglan una nga i-review ang mga routa, ayha pa kini ipatuman.Sa karon, gihulatan pa sa NOMFEDTRASCO ang pagkompleto sa duha ka semana nga review sa ilang mga proposal ug rekomendasyon. (James Oliver)
