Nasakitan ug maayo ang mga kontra sa politika ni Vice President Sara Duterte human gihimong pinal sa korte suprema ug dili na mudawat pa sa ilang impeachment nga ipasaka batok kaniya. Reaksiyon kini ni Political Science Expert Atty Proculo Sarmen sa pakighinabi sa Bombo Radyo. Miingon si Sarmen nga gawas sa mga political detractors muhatag usab kinig dakug epekto sa justice system sa nasud ilabe na nga ang pinakataas nga hukmanan, nagdeklarar sa impeachment complaint gikan sa kamarabaha ug senado nga nakasupak sa balaod o unconstitutional. Gitin-aw ni Sarmen nga bisan pa’g adunay lain-laing legal nga opinyon kabahin sa maong isyu, dili na balido nga mare-file ang impeachment complaint batok sa Bise Presidente sa umaabot nga Pebrero 6.
