Pursigido ang Police Regional Office 10 sa pagtumbok sa tinu-anay nga mga utok sa lapad nga illegal mining operations sa pipila ka bahin sa Northern Mindanao region.
Kini human mismo pa ang The Presidential Anti-Organized Crime Commission ang mihimo’g aksyon sa mga impormasyon sa grabeng illegal mining operation sa lungsod sa Opol,Misamis Oriental sa milabay’ng semana.
Namahayag si PRO 10 regional director Brig Gen Christopher Abrahano nga tipik pa lang sa dakong sindikato ang ilang nadakpan diin duha ka Chinese nationals ug 22 ka trabahanteng Pinoy ang nakasuhan sa pagsupak sa kasupakan sa Philippine Mining Act of 1995 gumikan sa kalihukan.
Siya miingon nga gusto niya nga mahukasan sa maskara ang mga nagpaluyo sa maong kalihukan sanglit kabahin ang illegal mining issue nga ipasulbad ni Pres Bongbong Marcos sa PNP. (James Oliver)
