NA-RESTORE na ug PASSABLE ang mga major roads sa Iligan City human sa pagsaka sa tubig tungod sa epekto sa Bagyong Basyang.
Sumala ni PMAJ Zandrex Panulong, PIO sa Iligan City Police Office, base sa report sa CDRRMD, naka-evacuate ang 1,226 ka pamilya o 4,579 ka indibidwal sa panahon sa kusog nga pag-ulan. Giingon pa ni Panulong nga duha ka steel bridge ug usa ka hanging bridge ang totally guba tungod sa maong hitabo.
Padayon karon ang pag-verify sa mga otoridad sa syudad tungod kay adunay mga reported nga naanod ug kasamtangang missing human sa makusog nga pag-ulan sa milabay nga mga adlaw.
Giingon pa nga ginahulatan ang opisyal nga deklarasyon sa CDRRMO aron mahibal-an kung flood-related ba ang hinungdan sa mga reported nga casualty. (James Oliver)
