Daghan ang nabalaka human mabunal ang ulo ni Sex Bomb Dancer Aira Bermudez sa sa entablado atol sa “Get, Get, Aw! Concert Rawnd 4” nga gipahigayon sa SM Mall of Asia Arena niadtong Sabado, Pebrero 7, 2026.
Nahitabo ang insidente sa iyang aerial dance number diin dili maayo ang pagdawat sa backup dancer ug nahulog siya nga naigo ang nawong ug ulo sa stage. Daghang fans ang nabalaka ug nagpakita sa suporta sa social media human makita ang video sa aksidente.
Gisiguro ni Aira sa publiko nga maayo ra ang iyang kahimtang ug wala sila angay kabalaka. Bisan pa sa aksidente, nagpadayon gihapon siya sa konsiyerto ug nagpakita sa iyang kaisog ug professionalism.
Ang iyang mga kauban sa grupo sama ni Sugar Mercado ug Cynthia Yapchingco nagpadayag usab sa pag-ampo ug suporta alang sa iyang paspas nga pag-ayo. Hinoon, subay sa latest post si SB Ai, okay ang resulta sa iyang x-ray
