Sa 80 ka barangay sa Cagayan de Oro, anaa sa 72 ang Landslide Prone area.
Subay kini sa Special Report ni Konsehal Roger Abaday. Sa ika-26 nga sesyon sa 21st City Council, namugos si Abaday nga nagkinahanglan sa mas lawom nga pagtagad sa disaster preparedness ug risk reduction ang syudad.
Ang datos nagpakita nga halos tanang dapit sa dakbayan dunay posibilidad nga maapektuhan sa kalihokan sa yuta, ilabi na sa panahon sa kusog nga ulan ug bagyo.
Miingon si Abaday nga dili na niya gusto masubli pa ang nahitabo sa Brgy Agusan, human upat ka tawo ang nakalas sa midahili nga yuta epekto sa Bagyong Basyang.
Namugos usab si Abaday ang ang hugot nga koordinasyon sa lokal nga pangagamhanan, barangay officials, ug mga residente ang yawe aron mapalig-on ang ka-andam ug kaluwasan sa komunidad panahon sa katalagman.
