Misaka pa sa 54 ka ihap sa mga pulis nga gilakipan sa ilang mga opisyal ang napasakaan sa kasong administratibo ug Kriminal sa Basilan.
Namahayag si Philippine National Police Spokesperson Randilf Tuaño nga ang kaso nag-ugat sa reklo tungod sa gi-ingong pag-abuso, nga pwede ikamatay sa pipila ka bag-ong pulis sa ilang welcome rites.
Usa sa gikiha ang usa ka force commander, kinsa adunay tibook kasayuran sa insidente.
Lakip sa hawid nga ebidensya ang mga reklamante ang ilang bun-og sa lawas tungod sa dili insaktong pagdisiplina sa mga tag-as nga opisyal sa yunit batok sa mga bag-ong nadestino nga mga police patrolman.
Gikondinar usab sa grupo sa mga abogado, mga ginikanan ug sibilyan ang dili maayong seremonya kay layo kini sa ilang gipanumpaan nga obligasyon sa publiko sama sa pagrespeto sa isig-katawo.
Milaum ang mga reklamante nga mai-imbestigaran kini nga klase nga seremonya ug maputol ang bayolente nga welcome rights sa mga bag-ong patrolman.
