Gipasanginlan ni ABC Liga ng mga barangay president Hon. Marlo Tabac nga luwag ang implementasyon sa Ease of Doing Business Ordinance o EODB, busa mao kini ang hinungdan sa mga problema sa Barangay 26 may kalabotan sa nagpadayong mga konstruksiyon.
Sumala pa kang Tabac, nakasugod sa trabaho ang pipila ka establisimyento bisan walay barangay clearance, hinungdan nga walay tukmang pagmonitor ang barangay.
Tungod niini, nagreklamo ang mga residente sa sobra nga kasaba, abog, ug kalasangan nga nakaapekto sa ilang kahimsog ug adlaw-adlaw nga panginabuhi.
Gawas pa niini, gitaho usab ang dili awtorisadong paglabay og yuta ug bato nga mibara sa mga comfort room ug drainage system sa barangay.
Labaw pa sa tanan, usa ka parking area duol sa Barangay Health Center ang mibabag sa drainage line ug nagtapok og baradong tubig nga posibleng pamuy-an sa lamok nga nagdala og dengue.
Tungod niini, nanawagan si Tabac sa mga komite sa Public Works ug Barangay Affairs nga dayon aksyunan ug repasuhon ang implementasyon sa EODB. (James Oliver)
