Gipahimanoan sa ILAW Shared Community, Inc. ang publiko sa kahinungdanon sa paggamit og protection sama sa condom, labi na sa mga magtiayon nga dili pa andam magkaanak.
Sumala ni Jade Lumapas, volunteer sa grupo, ang paggamit sa condom kinahanglan kauban sa water-based lubricant aron malikayan ang friction nga makadaot sa condom.
Giingon usab niya nga dili angay gamiton ang bisan unsang oil-based nga haplas kay kini makapahabuslot o makagisi sa condom.
Gipasabot ni Lumapas nga kinahanglan nga mapalit lamang ang condom sa mga pharmacy ug dili gamiton ang mga gimmick o padigyas nga produkto.
Gi-awhag usab niya ang katawhan nga dili itago lang ang condom sa wallet isip pangpa-swerte, kay delikado kini gamiton sa tinuod nga sexual activity.
Kung gamiton man isip pangpa-swerte, kinahanglan adunay extra condom nga luwas gamiton.Matod pa sa ILAW group, ang husto nga paggamit sa condom usa ka dakong paagi sa pagpanalipod sa kaugalingon ug sa uban gikan sa unwanted pregnancies ug sexually transmitted infections. (James Oliver)
