Namahayag si United Kingdom Prime Minister Keir Starmer nga kinahanglan og mas lig-on nga proteksyon ang kabatan-onan online. Matod pa niya, kinahanglan nga paspasan ang aksyon tungod sa hulga sa Artificial Intelligence (AI) chatbots nga nakahatag na og kabalaka sa mga bata. Gi-anunsyo ni Starmer ang hugot nga crackdown sa balaod aron sirad-an ang mga lungag sa Online Safety Act, diin iyang gi-insistir nga walay plataporma nga makalusot nga libre. Tumong sa UK nga ipatuman sa tanang AI providers ang parehas nga obligasyon batok sa ilegal nga sulod sa social media platforms, lakip na ang “Grok” ni Elon Musk nga nalambigit sa non-consensual deepfakes. (Phillip Ariata)
