Napakgang ang ilegal nga pagmina sa Libona, Misamis Oriental human sa usa ka police-assisted operation nga misangpot sa pagkasikop sa pito ka mga Chinese nationals ug pagkasakmit sa minilyon nga kantidad sa copper ore ug kagamitan sa pagmina, sa milabay nga adlaw.
Kini ang gikompirmar ni Police Regional Office 10 Spokesperson Police Major Joann Navarro, kundiin nahitabo ang pagdakop kanila niadtong Pebrero 9, 2026 sa Zone 6, Sitio Manlauyan, Brgy. Gango, diin ang operatiba sa NBI, PNP, ug DENR nakadiskubre sa underground tunnel nga gigamit sa illegal nga mineral extraction.
Lakip sa narekober ang heavy equipment sama sa dump trucks, backhoes, generator sets, processing plants, ug commercial explosives nga walay igong papeles.
Ang pito ka mga Chinese nationals nga responsable sa ilegal nga operasyon karon anaa na sa kustodiya sa kapulisan samtang giimbestigahan ang kaso ubos sa Philippine Mining Act of 1995 (RA 7942).
