GIKOMPIRMAR na sa kapolisan nga anaa nay Persons of Interest kaso sa pagpamusil sa duha ka babaye sa Initao sa miaging adlaw, diin usa ang napatay ug usa ang na-angol.
Sumala ni PMAJ Ronnie Continedo, hepe sa Initao Municipal Police Station, human ang mga biktima ug ang suspetsado nag-inom sa Cagayan de Oro, gidala sila sa Brgy. Tubigan Initao ug gipusil sa lugar.
Nakabsan sa kinabuhi ang nag-ngalang si Jovie Reyna Esceyo, 31 anyos, lumolopyo sa Zone 1-A, Aplaya, Jasaan, Misamis Oriental, nga naigo sa ulo ug namatay dayon, samtang ang kauban niini nga menor de edad nakadagan ug nakareport sa Libertad MPS checkpoint nga nakaankon usab ug usa ka igo-pinusilan.
Sa pagkakaron, padayon ang Misamis Oriental Police Provincial Office sa manhunt operation aron dakpon ang mga responsable ug sa pag-imbestiga sa motibo sa nahitabong krimen.
