Gisugdan na sa Department of Agriculture (DA) ang barangay-level rollout sa P20 kada kilo nga bugas sa Davao City isip kabahin sa programa nga “Benteng Bigas, Meron Na!”.
Ang aktibidad, gi-pangulohan ni Agribusiness, Marketing and Consumer Affairs Assistant Secretary Genevieve Velicara-Guevarra ngadto sa Barangay Matina Crossing ug Barangay Tungkulan, kauban ang National Food Authority (NFA) ug Food Terminal Inc. (FTI).
Sumala ni Guevarra, importante ang partisipasyon sa lokal nga gobyerno aron masiguro nga maabot ang subsidized rice sa indigent, senior citizen, PWDs, minimum wage earners ug solo parents.
Target sa gobyerno nga makabenepisyo ang hangtod 60 milyon nga Pilipino karong tuiga ug ipadayon kini hangtod Hunyo 2028. (Phillip Ariata)
