Walay duda si Josua Mata, Secretary General sa Sentro ng mga Nagkakaisa at Progresibong Manggagawa o SENTRO, sa mahimong desisyon sa International Criminal Court kabahin sa kaso ni kanhi Presidente Rodrigo Duterte.
Sumala ni Mata, komprehensibo ug detalyado ang presentasyon sa prosekusyon ug sa mga legal representatives sa mga biktima sa extrajudicial killings atol sa nahitabong sesyon sa confirmation of charges.
Matud pa niya, klaro ang paglatid sa mga ebidensya ug argumento nga gisumite sa korte, hinungdan nga lig-on ang baruganan sa kampo sa mga complainant.
Dugang pa ni Mata, nakita usab sa maong sesyon nga pakyas ang kampo ni Duterte sa pagpakita og igo ug lig-on nga depensa batok sa mga alegasyon.
Tungod niini, nag-ingon siya nga adunay dakong posibilidad nga dili ma-dismiss ang maong kaso sa ICC.
Sa pagkakaron, nagpadayon ang paghulat sa publiko sa sunod nga lakang ug opisyal nga desisyon sa internasyonal nga hukmanan. (James Oliver)
