Wala matuman sa Iran ang ilang gikomitar nga saad nga undangan na ang ilang nuclear enrichment program.
Kini ang nakitang rason ni Prof. Lucanus Azrael Igot kung nganong napungot si US Presidente Donald Trump sa Iran.
Matod pa niya, kini usab ang nakitang paagi sa Amerika aron makig-uban sa puwersa sa Israel sa pagpuhag sa padayong pagpamakak ug impluwensiya ni Iran’s Supreme Leader Ayatollah Khamenei.
Mahinumduman nga dugay nang gisupak sa international community ang bisan unsang klase sa nuclear activity tungod sa dakong peligro nga mahatag niini sa katawhan nga nagpuyo sa nasud nga adunay nuclear nga aktibidad, ug sa posibleng kadaot kung mupalpak ang ilang programa.
Human sa joint military attack sa US-ug-Israel, nasabtan ni Trump ang natural nga reaksiyon sa Iran human kini milusad og opensiba batok sa tanan base militar nga gi-ugbukan sa US sa Middle East.
Ang maong sitwasyon nagpadayag sa kalalom sa tensiyon tali sa duha ka nasud ug sa kabalaka sa kalibutan bahin sa seguridad ug kalinaw.
