Mas hugot nga balaod batok sa modified motorcycle mufflers ang giduso ni konsehal Roger Abaday aron mas epektibo ang pagdakop sa mga malapason niini.
Maoy gusto ipatangtang ni Abaday ang grabe nga kasaba sa nailhang ‘borabora pipes’. Kini maoy unod sa special report nga gipasa ni Abaday sa sesyon niadtong Lunes.
Isip chair sa committee on public order and safety, nagpresentar si Abaday sa nagbaha nga reklamo sa kasaba ug mi-angkon nga wala nabati sa katawhan ang pagpangdakop sa mga pulis o taga RTA sa mga masupakon nga motorista.
Kini nga mga reklamo nagsumikad sa mga tagbalay sa Barangay Kauswagan, Gusa, Lapasan ug sa downtown area, kundiin sagad mukiat ang mga badlungon nga motorista sa kadlawon.
Gireport usab ni Abaday ang ilang nadiskobrehan nga sagad sa mga malapson ga drag race nga hubog ug makahigayon sila sa ilang aktibidad kay ZERO VISIBILITY man ang mga pulis o tanod sa dalan nga ilang himoan sa kompetisyon.
