Nalipay si Mamamayang Liberal Partylist Representative Leila De Lima nga muligid na pohon sa impeachment trial ang ikatolo nga impeachment complaint batok kang Vice Presidente Sara Duterte nga gi-file ni Fr. Jose Saballa Jr., ug uban pa.
Sa iyang ambush interview, iyang giingon nga sa sinugdan pa lang nakit-an na niya ang igong basihanan sa reklamo aron makalusot kini sa deliberasyon sa House Committee on Justice.
Ang komite nakita ang “sufficient in substance” sa reklamo , nga nagpasabot nga dili lang kini kompleto sa pormalidad apan adunay lig-on nga sulod nga angay imbestigahan.
Kini naghatag ug mas lawom nga oportunidad nga masuta ang mga alegasyon ug makahatag ug direksyon sa sunod nga mga proseso sa panel. –
