Gipaniguro sa Philippine National Police (PNP) nga ilang ipahigayon ang paghatag seguridad sa mga gasoline stations sa tibuok.
Ang ilang aksiyon, nag-ugat sa panawagan sa Department of Energy (DOE) kabahin sa hulga sa “profiteering” ug “hoarding” sa mga produktong petrolyo.
Namahayag si PNP Spokesperson ug Public Information Office Chief Police Brigadier General Randulf Tuaño nga gipakanaug na ni PNP Chief Jose Melencio Nartatez ang mando-direktiba sa pagbantay sa mga gasolinahan.
Gipa-aktibo na ang tanan ubos nga yunits sa kapulisan aron walay mupasaka sa presyo sa krudo ug gasolina hangtod nga adunay opisyal nga anunsyo gikan sa Energy Department.
