CPCC, naglibot suroy na sa CdeO

Sugdan na sa City Price Coordinating Council (CPCC) ang pagtuyok sa managlahing gas station, grocery stores, ug pampublikong merkado aron susihon kung aduna bay kalapasan ang mga negosyante sa naghinobra nga pagpataas sa ilang singil (profiteering) ug pagpanago (hoarding) sa ilang produkto, ning panahon sa krisis sa lana. Namahayag si City Information Officer Jade Adeser nga ang CPCC gilangkoban sa kadagkuan gikan sa Department of Trade and Industry (DTI), Department of Enegy (DOE), Department of Agriculture (DA), Department of Interior and Local Government (DILG) nga i-representar sa kadagkuan sa City-LGU, ug nga lokal nga ahensya sama sa Regulatory Complaints Board (RCB) ug City Economic Enterprises and Business Development Administration (CEEBDA) nga maoy nagmanage sa Cogon, Carmen, Lapasan ug Puerto Public Markets. Gitin-aw ni Adecer nga sa panahon sa inspection, makauban sa CPCC ang kapulisan aron muhatag kanila sa seguridad. Hisayran nga ang CPCC maoy lokal nga bersyon sa National Price Coordinating Council, ug gi-organisa sa matag siyudad aron mas duol sa mga konsumidor ug merkado. Ang konseho aktibo panahon sa kalamidad panahon sa bagyo, pandemya ug uban pang man-made calamities sama ning panahon sa krisis sa lana, epekto sa tensyon sa Middle East