Gikondinar ni United States President Donald Trump ang pag-atake sa sinagoga sa Detroit, Michigan. Sa press briefing, misaad si Trump nga imbestigaran ang tinuod nga motibo sa insidente, ilabi na kay kini nagdala sa dakong hulga ug kahadlok sa komunidad. Mahinumduman nga ang panghitabo mikalas sa usa ka tawo, ug kini mao ang suspek sa kremin. Luwas ra ang tanan tawo sulod sa balay-ampu-anan ug sa tunghaan nga nahimutang sa lugar. Giangkon sa kapulisan nga napusilan nila ang suspek dihang misulay kini’g atake kanila. Dili pa maberipikar sa mga imbestigador kung konektado ba kini sa tensiyon sa Middle East, ilabi na nga gilantaw usab kini isip pagpalawom sa dugay nang bangi tali sa mga Muslim ug Hudiyo.
