Aminado si Joenibert Entrina, top 7 sa Criminologist Licensure Exam, nga ang iyang sikreto mao ang walay hunong nga pagpaningkamot sugod sa first year hangtod sa pag-review.
Sa iyang eklusibong interbyu sa bombo radyo giingon niya nga ang inspirasyon gikan sa Ginoo, pamilya, ug iyang mentors sa PHINMA Cagayan de Oro College Puerto maoy nakapalig-on sa iyang determinasyon nga magkugi sa pag-toon.
Si Entrina miingon nga bisan pa sa mga kakulian ug distractions, gipadayon niya ang iyang paningkamot aron makab-ot ang labing maayo nga resulta.
Natala si Joenibert nga adunay 92.05 average, pruweba sa iyang pagpaningkamot ug dedikasyon ug ang iyang estorya nagpakita kung giunsa sa pagtuo ug sakripisyo pagdala ang usa ka estudyante ngadto sa taas nga kalampusan sa board exam.
