Paslak na sa prisohan ang usa ka alas Bossing Inano ug ang Fetch Driver nga usa ka Ciminology Graduate human masapon sa mga operatiba nga nagbaton sa P20-Milyon nga kantidad sa gitoohang shabu, sa drug buybust operation nga gilusad sa Sitio Lambago, Barangay Lapasan, pasado ala-1 sa kadlawon, ning adlawa.
Subay sa report, gilusad ang operasyon sa Regional Police Drug Enforcement Unit (RPDEU) Team 2 ug milampos sa pagdakop sa duruha.
Nakuha sa posisyon sa suspek nga naila nga si “Bossing Inano”, 23 anyos, ang 30 ka sako sa ilegal nga druga, ug buy-bust money nga balor 1,000 pesos.
Gipamugos sa Fetch Driver nga si alyas France, 25 anyos nga nadamay lang kini sa operasyon kay siya man ang naghatud sa suspek sa targer location sa operasyon.
Hisayran nga lakip gidetinar ang rider ug gi-impound ang iyang motorsiklo.
Una nang namugos si Bossing Inano nga gisugo ra siya sa iyang uyuan nga dad-on ang mga shabu sa iyang katabo.
Hisayran nga ang iyang uyuan kasamtangang napriso sulod sa Lumbia City Jail sa Brgy Lumbia, ning syudad.
Ang duha ka suspek gikostodiya sa Maharlika Detention Cell facility sa Brgy Carmen, ning syudad.
Ipasaka sa duruha ang kasong paglapas sa Republic Act 9165 o mas naila isip Comprehensive Dangerous Drugs Act of 2002 ang mga nadakpan.
Photo Credits to Brgy Lapasan Kagawad Mark Anthony Buhia Bustamante
