POSIBLENG MUSAKA ANG PLETEHAN SA MOTORELA, ning syudad.
Kini ang gibutyag ni Cagayan de Oro City Councilor Eric Salcedo tungod sa petisyon nga ilang nadawat epekto sa nagsaka nga presyo sa lana.
Si Salcedo mitin-aw nga kung maaprobahan na ang gisugyot nga ordinansa, gilayong ipatuman ang kabag-uhan.
Apan, iyang klaro nga dili pa kini mapatuman, tungod kay kinahanglan pa ipasa sa opisina sa mayor alang sa pagpirma.
Human mapirmahan sa mayor ang ordinansa, didto pa matino kung i-implementar na ba kini o dili, ug kon kanus-a kini sugdan.
Una niini, mipasidaan ang konsehal sa pipila ka rela drivers nga naningil sa tag 15 pesos nga plete bisan wala pa’y aprubadong ordinansa. Kasuhan, mamultahan, mabakwian sa lisensya ug prangkisa ang masapon ug mapamatud-ang naghinobra ang singil. (co-written by Jane Mae Abulag)
