MIAPELAR sa tanan kompanya sa private sector si kanhi National Labor Relations Commission Commissioner ug labor law expert nga si Atty. Proculo Sarmen nga patas-an na ang minimum wage kay dili lang kini usa ka economic issue, apan isyu usab sa hustisya ug dignidad sa mga trabahante.
Gipasabot niya nga sa karon nga oil crisis, dili na angay maglangan ang gobyerno sa pag-review ug pag-aprobar sa mas taas nga sweldo.
Ang pagsaka sa presyo sa lana nagdala og domino effect sa transportasyon, pagkaon, kuryente, ug uban pang palalitonon.
Gipahimangnoan ni Atty. Sarmen nga ang kasamtangang minimum wage ubos sa poverty threshold, ug kung dili kini maatiman, mogamay ang purchasing power sa ordinaryong Pilipino.
Gihangyo niya ang RTWPB ug ang opisina sa Presidente nga tun-an dayon ang sitwasyon ug maghimo og aksyon aron maprotektahan ang mga trabahante.
