Gidasig ni Confederation of Farmers and Fisherfolks sa Cagayan de Oro and Misamis Oriental Chapter President Robert Quistadio ang mga mag-uuma nga mupursiger ilang obligasyon sa nasud, taliwala nga sila ang kasagaran napasagdan sa gobyerno.
Gihimo ni Quistadio ang pahayag luyo sa hinay nga kalambuan ug kaarangan sa mga mag-uuma nga maoy nagpakaon sa katawhan.
Namugos ang presidente sa kompederasyon nga dili malalis ang pagkuyanap sa grabeng kalisud ning panahon sa krisis, apan, iyang gi-enkorahe ang ilang sektor nga mangitag laing alternatibo sa panginabuhian aron masustinar ang ilang gibuhi nga pamilya.
Iya usab gihagit ang mga kooperatiba nga ipalig-on ang mga programa alang sa mga ilang mga miyembro ug magtinabangay, kay ang ilang sakripisyo dili ti-aw ug walay ikibali nga salapi.
Busa nanawagan usab si Quistadio sa gobyerno nga mahimong “consistent” sa ilang tabang sa sektor sa mag-uuma ug tumanon ang mga saad nga gisaligan sa sektor.
