Gihagit ni kanhi Senador Antonio Trillanes IV si Senador Ronald “Bato” dela Rosa nga mupatimaw sa publiko, kung wala siyay warrant of Arrest gikan sa International Criminal Court (ICC).
Gihimo ni Trillanes ang pahayag human nagtuo siya nga magsilbing political survivor si Dela Rosa kun mudaug sa 2028 Elections si Vice President Sara Duterte.
Mahinumduman nga ang kanhi senador ang usa sa unang nagpahungaw sa report nga aduna nay warrant of arrest sa ICC si dela Rosa hinungdan nga kini nagtagu-tagu sukad pa sa miaging tuig.
Kasamtangang nag-atubang sa ethics complaint ang senador kay taas nga panahon nga kini nag-absent nga walay pahibalo
