Paningkamutan ni Senador Sherwin Gatchalian nga mapasa ang sugyot balaodnon nga magbawal sa mga bata nga wala pa mag 16 anyos sa paggamit sa social media sa Pilipinas.
Unod sa iyang gidason nga Senate Bill No. 2066 o Social Media Safety for Children Act, iyang gidid-an ang pagrerehistro, pag-access, o pagmentinar sa account sa mga menor de edad sa bisan unsang social media platform.
Tumong niini nga maprotektahan ang mga bata gikan sa posibleng mga dautang epekto sa digital world, lakip na ang ilang mental, moral, ug social aspect tungod sa grabe nga paggamit sa social media.
Namugos si Gatchalian nga importante nga magbaton sa komprehensibong regulasyon tungod kay ang kasamtangang balaod, nakatutuk lamang sa pagsilot ug ang dili aktibo nga pagprotekta sa online exposure sa mga menor de edad.
Ubos sa maong sugyot, obligado nga ipatuman ang age verification systems ang mga social media companies, sama sa ID authentication, facial recognition, ug uban pang importante nga rekisitos nga maghatag seguridad sa tukmang mga users sa social.
Ang Department of Information and Communications Technology (DICT) maoy mututok sa pagpatuman ug pagbantay sa mga social media platforms ug age verification providers.
Kung mulusot ug mahimong balaod, mahimong multahan gikan sa P1-Milyon hangtud P10-M ang social media companies sa matag kasupakan, ug dugang P100 matag adlaw sa padayon nga pagsupak.
