Nahimong Sentro sa katapusang hearing sa House Committee on Justice ang pamahayag kaniadto ni Vice President Sara Duterte nga “designated survivor” nga giangot sa giingong hulga batok kang Presidente Ferdinand Marcos Jr, First Lady Liza Araneta Marcos, ug kanhi House Speaker Martin Romualdez.
Gipangutana ni Surigao del Norte 2nd District Representative Bernadette Barbers ang National Bureau of Investigation (NBI) kung gi-lakip ba nila kini sa imbestigasyon, diin gi-kumpirmar usab sa NBI nga lakip kini. Gipakita sa komite ang video ni Duterte niadtong Hulyo 2024 diin siya miingon nga “I will not attend the SONA. I am appointing myself as the designated survivor.”
Matod pa ni Manila 3rd District Representative Joel Chua, dili lang kini angay pasagdan tungod sa konteksto sa pamahayag ug gipangutana niya kon unsay basihanan sa Bise Presidente sa pagbalibad sa pagtambong sa SONA. (by Phillip Ariata)
