Gikompirmar ni Senate Minority Leader Alan Peter Cayetano nga wala matuki sa closed-door caucus sa minorya ang posibleng pag-abot sa Articles of Impeachment batok kang Bise Presidente Sara Duterte tungod kay dili kompleto ang mga miyembro nga mitambong sa miting.
Gibutyag ni Cayetano nga mosunod kuno ang minorya sa mga lagda sa Senado kon ipadala sa Kamara ang mga reklamo batok sa bise presidente alang sa impeachment trial.
Hisayran nga si Cayetano, ug Estrada pulos aduna nay kasinatian sa pagsilbing senator judges sa impeachment court sa panahon ni kanhi Supreme Court chief justice Renato Corona.
