Giawhag ni Atty. Proculo Sarmen, usa ka labor law expert ug abogado, nga dili na padak‑on pa sa liderato sa Senado ang panagbangi tali ni Senador Rodante Marcoleta ug Blue Ribbon Committee Chairman Ping Lacson.
Matod ni Sarmen, ang nahitabo posibleng ikasubo sa publiko tungod kay natabunan na ang tinuod nga mga isyu nga kinahanglan hisgutan sama sa flood control projects ug uban pang problema sa gobyerno.
Iyang gipunting nga tungod sa managlahi nga baruganan sa politika sa duha ka senador, wala sila magkasinabot.
Dugang pa niya, makita nga highly politicized ang maong deliberasyon imbes nga nakasentro sa panserbisyo sa katawhan.
Busa, iyang gihangyo nga ibalik sa mga senador ang pokus sa ilang responsibilidad aron mapreserbar ang pagsalig sa publiko sa institusyon.
