Mibiya na paingon sa Japan si Presidente Ferdinand Marcos Jr. alang sa upat ka adlaw nga state visit aron palig-onon ang kooperasyon sa ekonomiya ug depensa sa duha ka nasod.
Sa iyang departure speech, gitataw sa Pangulo nga krusyal ang maong biyahe karon taliwala sa mga hagit sa rehiyon ug sa tibook kalibutan, ilabi na ang kasamtangang krisis sa lana.
Tumong usab niini nga makakuha og dugang patigayon ug pamuhunan gikan sa mga lider sa negosyo sa Japan aron mapalambo ang panginabuhi sa mga Pilipino.
Gawas sa ekonomiya, gilauman nga saksihan ni Marcos ug sa Prime Minister sa Japan ang pagpirmahay og mga bag-ong kasabutan alang sa seguridad sa kadagatan ug nasudnong depensa aron makab-ot ang pagpalambo sa rehiyonal nga kalinaw, kalig-on, ug pag-uswag.
