Posibleng buksan sa International Criminal Court (ICC) ang unang proper hearing sa tolo ka kaso ni kanhi Presidente Rodrigo Duterte sa ika-30 sa Nobyembre 2026.
Ang petsa gitakda sa mga hurado sa Trial Chamber III sa gipahigayon nga sesyon sa Status Conference sa kaso ni Duterte.
Gitin-aw sa Chamber hatagan nila sa igong oras ang duha ka kampo nga makasumiter sa ilang mga ebidensya ug ubang pang materyales nga gamiton sa kaso, gikan sa prosekusyon ug sa depensa.
Sa dili pa ang hearing, gipadumduman ni Presiding judge Joanna Korner ang mga kampo nga sila ipatawag sa Chamber kung adunay mga kakulangon sa mga dokumento ug uban pang pending mga mga isyu ayha mu-abante sa “proper trial”.
Ang detalyade nga mga praktical nga impormasyon sa trial proceedings, lakip na ang webstreaming links ug mga ngalan sa mga musalmot sa pagdungog mahimong ipagawas dool sa petsa sa pagdungoh.
Ang Trial Chamber III gipadagan nila Presiding Judge Joanna Korner, Judge Keebong Paek ug Judge Nicolas Guillou.
Una niini, gipakompirmar sa chamber ang attendance sa defendand nga si Duterte.
Si Atty Peter Haynes, ang bag-ong lead counsel ni Duterte nga namulong nga dili makatambong ang iyang kliyente human magsumitar sa iyang waiver ug nauyonan sa chamber.
Tungod sa hitabo, gimando ni Judge Korner nga sublion ang paghiling sa panglawas sa kanhi presidente.
Sa pikas bahin, gibutyag sa prosekusyon nga muabot sa 60 hangtud 70 ang ilang ipresentar nga mga saksi batok sa dugoong war on drugs campaign ni Duterte.
