Gi-awhag ni Senador Imee Marcos nga hunongon na ang pagpahigayon og remote voting o pagboto pinaagi sa Zoom sulod sa Senado.
Matud sa senadora, nakita kaniadto nga naglinya gyud sa personal silang kanhi Senador Hontiveros, Sotto, Lacson, ug Pangilinan aron lang makaboto.
Gihisgutan usab niya nga bisan ang mga kanhi senador nga silang Leila de Lima ug Antonio Trillanes IV nga natanggong kaniadto, nagpasa pa og pormal nga mosyon una gitugotan sa maong pamaagi.
Tungod niini, natingala si Marcos kung ngano nga duna gihapong remote participation karon nga wala naman untay babag sa personal nga pagtambong.
Gikuwestiyon sa senadora kung ngano nga supak kaayo ang pipila sa iyang mga kauban nga moadto sa session hall aron makab-ot ang saktong korum. (jane abulag)
