“We’re not satisfied,” kini ang giluwatang pamahayag ni US President Donald Trump kalabot sa negosasyon alang sa usa ka kasabutan tali sa nasod sa Iran, dungan sa pag-ingon nga kinahanglang ablihan dayon ug walay langan ang maong agianan sa dagat ug kinahanglan kini mahimong usa ka “perfect” nga deal.
Giklaro usab sa presidente nga walay bisan kinsa nga nasod lakip na ang Iran o Oman ang pwedeng mukontrolar niini tungod kay giila kini nga international waters.
Bisan pa man niini, masaligon siya nga gusto gyud sa Iran nga makab-ot ang maong kasabutan aron masulbad ang tensyon, apan nagpasidaan si Trump nga kon dili gihapon sila magkasabot, andam ang Amerika nga tiwason ang maong problema pinaagi sa pwersa kon gikinahanglan. (JANE ABULAG)
