Gitin-aw sa Department of Education (DEP-ED) ug Palarong Pambansa Secretary General Usec. Malcolm Garma nga gitugotan ang pag-apil sa mga estudyante gikan sa mga pribadong tunghaan sa Palarong Pambansa 2026.
Namugos si Garma nga ang Palarong Pambansa gipatuman pinaagi sa balaod nga naglangkob sa tibuok sistema sa basic education.
Siya miingon nga importante, masabtan nga ang basic education nag-awhag sa partisipasyon sa mga tinun-an gikan sa publiko ug pribadong mga tulunghaan sa Pilipinas.
Gipasabot sa opisyal nga ang polisiya naghatag sa patas nga kahigayonan sa tanang mga batan-ong atleta nga nagagikan sa nagkalain-laing institusyon sa pagkat-on.
Kini ang rason nga legal nga makasalmot sa tanan dula sa Palarong Pambansa ang mga atleta gikan sa private schools, bisa aduna silay exclusibong torneyo sama sa Private Schools Athletic Association o PRISAA
