Gitin-aw ni Judge Raul Pangalangan, kanhi ICC judge ug karon chair sa EJK Truth Commission ang klaro ang iyang baruganan sa komisyon. Siya miingon nga ang tumong niini mao ang pagpaminaw sa mga biktima ug pag-ila sa ilang pagkatawo ug kasinatian.
Iyang gipamugos nga lahi kini sa proseso sa International Criminal Court (ICC) nga nagpunting sa paghatag sa silot o pagpasaka’g kaso sa mga nakasala nga mga partido.
Alang kang Pangalanan, ang unang tumongsa sa komisyon mao ang pag-establisar sa kamatuoran uban sa mga biktima.
Iya usab gisegundahan ang pahayag ni Cardinal Pablo Virgilio “Ambo” David nga ang EJK Truth Commission dili usa ka korte, apan usa ka civilian-led nga inisyatibo nga magtutok sa testimonya, dignidad, ug kamatuoran.
Kinahanglan nga ma-record ug ma-preserbar ang ilang mga pahayag aron mapuslan dili lang alang sa legal nga proseso, kundili aron mahatagan sa hustisya pag-ila ang kasinatian sa mga pamilya nga dugay nang nagdala sa kasakit
