Opisyal nang gipili sa Department of Education (DepEd) ang Lungsod sa Quezon isip host sa ika-67 nga edisyon sa Palarong Pambansa sa tuig 2027.
Sumala ni DepEd Undersecretary Malcolm Garma, nagsugod na ang ilang koordinasyon sa kagamhanan sa maong dakbayan aron pangandaman ang tinuig nga sports event.
Gilauman nga moadto ang delegasyon sa Quezon City sa umaabot nga closing ceremony karong tuiga aron pormal nga dawaton ang turnover sa pag-host.
Kahinumduman nga ang Agusan del Sur ang nahimong host karong tuiga, diin kapin sa 13,000 ka mga estudyanteng atleta ang misalmot sa torneyo.
